29 days challenge

 25\jun  مرحبا   اليوم   هو   ثاني   يوم   البارحه   مكتبت   شي   لان   جنت  ضايجه   بسب   سوء   خدمه   الانترنت   وحته   الكهرباء   اللي  اضطريت   اقره   على   ضوء   الشموع   البارحه   ما   بديت   على   طول   بكورسات   التسويق   او   الدزاين   كلت   لازم   احل   مشكله   تنظيم   الوقت وشلون   ابدي   هذا   التحدي   صح … كومه   فديوهات   شفت   عن   اهميه   الوقت   مرح   اكثر   كلام   بس   المهم  رح   انطي   اهم   نصيحتين   فادوني  ١- التحكم   بالاشعارات   ووقت   استخدام   الاجهزه  ٢- اول   ساعتين من   يومي   شلون   استغلها   وانو   مو   كبل   افتح   الانبوكس   اول   ما   اصحى   وانو   بهلوقت   يكون ال...

  البدايه المجيده في هذه الرحله   هلو اني مريم ضرغام طالبه علوم حاسبات الجامعه التكنلوجيه… بعد جم يوم واتخرج واكيد تعرفون ضغوطات ما بعد التخرج  اني شخص جدا طموح ومليان افكار وخطط بس بيه مشكله جدا ماذيتني ،هي اني ما اكدر ابدي بشي او ابدي بس وره فتره تحصل ظرف ينسيني كل خططي وافكاري، بالفتره الاخيره جنت احس بالفراغ التام والحزن والاكتاب الى ان ظهرت هذا التحدي، واني اعشق التحديات قررت اني ارجع احاول اتعلم واطور من حالي واضغط على نفسي هلشهر اولا كل عام وانت بخير ذا مورت… هيج اسميك بالبيت من احجي عن حسابك المهم…ثانيا  صح اليوم يلا بده التحدي بس اني من يوم الفديو احاول ارتب وضعي لان ادخل هلتحدي مو علمود شي بس علمود اثبت لذاتي اني اكدر ارجع واقوى من قبل  اللي رح اتعلمه بهل٢٩ يوم هو تصميم الواجهات اضافه الى التسويق والفريلانس شي متداخل بشي واذا كدرت اطور نفسي بيهن فحكون كلش فخوره  ليش اتعلمه؟…لان قريبا رح اتخرج ولازم ابدي اشتغل وبما ان الكل يدورون خبره فقررت اصنع عملي الخاص واحصل خبرتي منه ومنو يدري يمكن شي يوم يصير عملي شركه كبيره …اهم شي الطموح والتوكل على الرب وا...