29 days challenge

  Life changing challenge مرحبا للكل اتمنالكم يوم سعيد... تعالوا اعرفكم على نفسي وشنو هذا التحدي, اني مريم ضرغام خريجة الجامعة الا امتحانين "باذن الله" من علوم الحاسبات الجامعة التكنلوجية, شاركت بتحدي ال29 يوم انطلاقا من مبدأ التنافس نحو الوصول للهدف ... هدفي بالاساس هو استغلال وقتي الي جنت احس ديضيع بين محاضرات وافلام وسوالف محتفيدني بمستقبلي جنت احس بالفراغ الى ان بيوم شفت البوست اللي اثار فضولي لمعرفة هل حاستمر بشي يفيدني لو حتعاجز جان تحدي للاستمراريه اكثر منه تحدي لتعلم شي جديد شنو هو هذا التحدي؟... هذا الفديو اللي شفتة بيومها يشرح شنو هو, باختصار هو واحد من كومه فرص يقوم بيها مبرمج عراقي شاف الامل بالجيل الجديد وحب يغير الادلجة اللي عشنا عليها "العراق مابي مستقبل ليش اتعب روحي واهتم لمستقبلي" واعتبرها كهدية احنه ننطيهياه وهو انو نتعلم شي جديد خلال فترة 29 يوم   نجي على الموضوع اللي شاركت بي ببدايه هلتحدي... التسويق ردته بس للتجربة هل ححبه؟ ام لا؟ بدراستي محبيت بس التصميم تحديداً تصميم الواجهات UI\UX design من الشروط كان كل تلث ايام لازم نوثق شنو تعل

  15/07/21 مرحبا وصلت لليوم الثنين وعشرين من التحدي ومستمره رغم ضغط الامتحانات تقريبا كومه فكرت اتراجع واتوقف بس اكول اما الان اما فلا والحمد لله مكمله تابعت الكورس وكملته خلال هلايام لمدد متقطعه بين ساعه او ادا ما الحك اليوم بالثاني ازيد عليه عدد الساعات والفديوهات وتالي كملته, هدفي ببدايه التحدي ان ابني بروجكت لتصميم بفتره ال quarantine    نجي للتقدم اللي حققته well صممت صفحه لبروجكت جان المفروض مسويته قبل لا اتعلم الاساسيات جنت مسويه مصايب بيها حرفيا حاولت يكون مرتب وبروفشنال على كد ما اكدر واعرف اني رح ابدع اكثر لو استثمر وقت وانفذ بروجكتات اكثر  الادوات هي هي اليوتيوب بنفس الكورس طولت بي حته اقارن بين اللي جنت اعرفه وبين اللي تعلمته. ومحسيت بجهد خصوصا اني احب الشي اللي دا اتعلمه سو ماكو جهد لان كل الجهد حينتسى بس اعرف معلومه جديده اي الحمد لله راضيه ومكمله بهلتحدي حته وره ال29 يوم هاي, اكرر ماكو جهد باللي يسوي الشي اللي يحبه مثل ميكولون افعل ما تحب او احبب ما تفعل  تعلمت كومه امور حدز صوره بالملاحظات اعرف خطي مو كلش مرتب بس المهم الفكره   ' السعاده... هذا مختصر ما اح

مرحبا…   اللي   ميعرفني   اني   مريم   ضرغام   احد   المشاركين   بتحدي   ال 29  يوم   هدفي   هو   افتح   بيج  خاصه   بيه   واصير   فريلانسر   وسترونج   اندبيندانت   ومان 😂  strong independent woman  وذلك   بان   اتعلم   تسويق   الالكتروني   وتصميم   واجهات { اذا   اريد   اشتغل   بشركه }   اللي   سويته   هو اني   خصصت   ساعه   ونص   الى   ساعتين   اول   ايام   ٣ساعات   من   يومي   انو   اتعلم   الاساسيات و بلشت   ببحر   تصميم   الواجهات   وحسب   خطه  wikihow  نجي   لشنو   التقدم   الي   حققته   الحمد   لله   كملت   كورس   التسويق   وكملت   اساسيات   التصميم   من ا لصفر   وتعلمت   كومه   اشياء   حذكر   منها اسرار   النجاح   الخمسه   عشر ال creativ process   ٣٧مبدا   للتصميم    نظريه   الالوان   سر   النجاح   قصه   مشابهة   لقصتي   ان   شاء   الله   نفس   النهايه 😘 كورس   الدزاين كورس   التسويق كومه   تحديات   وكومه   لحظات   تقاعست بيها  و ارجع   اقوى   من   قبل   لاني   امشي   بمبدا   السهم  والقوس اني راضية بتقدمي بس ممكن   اسوي   افضل  و لاني   ممتعوده  على   هلوضع   فاني   فخور

 25\jun  مرحبا   اليوم   هو   ثاني   يوم   البارحه   مكتبت   شي   لان   جنت  ضايجه   بسب   سوء   خدمه   الانترنت   وحته   الكهرباء   اللي  اضطريت   اقره   على   ضوء   الشموع   البارحه   ما   بديت   على   طول   بكورسات   التسويق   او   الدزاين   كلت   لازم   احل   مشكله   تنظيم   الوقت وشلون   ابدي   هذا   التحدي   صح … كومه   فديوهات   شفت   عن   اهميه   الوقت   مرح   اكثر   كلام   بس   المهم  رح   انطي   اهم   نصيحتين   فادوني  ١- التحكم   بالاشعارات   ووقت   استخدام   الاجهزه  ٢- اول   ساعتين من   يومي   شلون   استغلها   وانو   مو   كبل   افتح   الانبوكس   اول   ما   اصحى   وانو   بهلوقت   يكون الانسان   بذروه   الطاقات   الابداعيه بديت   اتعلم   الانستكرام   ماركتنك   وشلون   لازم   صفحتي   تكون   بروفشنال   وشلون   اهتم   ادق التفاصيل   من   هلتفاصيل   الستوري   هايلايتس   كفر   شلون   نسوي   شلون   اسوي   اللنك   تري   شلون   اختار اسم   ،اكتب   بايو … هاي   صوره   للكورس   والاستاذ   المفروض   اليوم   اكمل   هلكورس   اعبر   على   غيره لولا   النت … اهم   شي   اللي   تعلمته   هو