Life changing challenge
مرحبا
للكل اتمنالكم يوم سعيد...
تعالوا
اعرفكم على نفسي وشنو هذا التحدي, اني مريم ضرغام خريجة الجامعة الا امتحانين
"باذن الله" من علوم الحاسبات الجامعة التكنلوجية, شاركت بتحدي ال29 يوم
انطلاقا من مبدأ التنافس نحو الوصول للهدف ... هدفي بالاساس هو استغلال وقتي الي
جنت احس ديضيع بين محاضرات وافلام وسوالف محتفيدني بمستقبلي جنت احس بالفراغ الى
ان بيوم شفت البوست اللي اثار فضولي لمعرفة هل حاستمر بشي يفيدني لو حتعاجز جان
تحدي للاستمراريه اكثر منه تحدي لتعلم شي جديد
شنو
هو هذا التحدي؟... هذا الفديو اللي شفتة بيومها يشرح شنو هو, باختصار هو
واحد من كومه فرص يقوم بيها مبرمج عراقي شاف الامل بالجيل الجديد وحب يغير الادلجة
اللي عشنا عليها "العراق مابي مستقبل ليش اتعب روحي واهتم لمستقبلي"
واعتبرها كهدية احنه ننطيهياه وهو انو نتعلم شي جديد خلال فترة 29 يوم
نجي على الموضوع اللي شاركت بي
ببدايه هلتحدي... التسويق ردته بس للتجربة هل ححبه؟ ام لا؟ بدراستي محبيت بس
التصميم تحديداً تصميم الواجهاتUI\UX design
من
الشروط كان كل تلث ايام لازم نوثق شنو تعلمنا وكل 10 ايام نوثق بلوك اضغطوا على
الاسبوع حته تشوفون البلوكات
بالسبوع الاول, قبل لا ابدي باي شي اخذت
كم فديو عن تنظيم الوقت وشلون استفاد من كل ثانيه تركتلكم اللنكات بالترتيب
بالبلوكات السابقه وراها خلصت كورس التسويق بالانستكرام بتلث ايام "جان عدد
ساعاته قليلة" بس طولت لان الانترنت جان مو قوي وشلون اخلي حسابي
بروفشنال...اعترف تركت تطبيق هلخطوه الى ان احصل محتوى!... وراها تعلمت اساسيات التصميم اكيد لازم نتعلم من البدايه قبل منطبق بهلفتره تعلمت امور كثيره ومفيده
Jبين هلاسبوعين تعلمت انو حياتنا كلها عباره عن مجموعة مشاكل صغيره واحنه
نحلها وان السعادة هي بايجاد حلول الها مثل مشكلة الانترنت اللي اسبوع كامل
عذبني بعدين لكيت الحل البسيط هو ان انزل
كل الفديوهات قبل الوقت واشوفه طبيعي القصد لتخلون شي يوكفكمJ
بالاسبوع الثاني, بديت اتعرف اكثر على
بيئة العمل وشنو الادوات شلون استخدمها ورجعت اشتغل بمشروع
بديت بي قبل اشهر بس توقفت بي بنص الدرب "تتذكرون من كلت هلتحدي جان تحدي
للاستمرارية" هو هذا اللي قصدته...
الاسبوع
الثالث, رغم
انو صادف مع فترة امتحاناتي بس حاولت اوافق بين التطبيق الجدي وربط الفريمات مع
بعضها او ما يسمى بال
Prototyping
وبين
الدراسة اللي هي هم حتحدد مستقبلي فشوي تباطأ تقدمي بهذا التحدي بس اكول بكل فخر
اني متوقفت للمعلومه باجر امتحان ورغم هاي كنت شديدة الحرص على اكمال التحدي ورح
استمر بي اكيد واحتمال كبير اسوي غير تحديات من هلنموذج...
الاسبوع
الرابع, *قرع طبول متسارعة*
وصلللللنا
للنهاية واخيراً... اني بهللحظه اشعر بفرح وفخر اني كنت واحد من المتحديين
والمتحديات اللي وصلو لهاي المرحله ومتوقفنا رغم كل واحد عنده ظروفه الخاصة واكيد
هذا اللي يميز التحدي اللي وي مجموعة عن التحدي لحالنا, فرحانه بكل اللي شاركو
وياية والتقدم الوصلتله
.png)
كل توفيق
ردحذف